Welkom by Sakeredding

Die plan kan baie vorme aanneem, wat 'n volledige of gedeeltelike herstrukturering van die onderneming se sake, eiendom, besigheid, aandele aandeelhouding, skuld, operasie en ekwiteit kan insluit, wat die onderneming weer kommersiëel lewensvatbaar maak. Dit lewer 'n beter resultaat vir die krediteure en aandeelhouers as in onmiddellige likwidasie.

1. Die sakereddings praktisyn (SRP) neem beheer en toesig oor:
   • Alle sake
   • Eiendom
   • Besigheid bedrywighede
2. Die SRP moet 'n besigheid reddingsplan ontwikkel en implementeer wat goedgekeur moet word deur alle geaffekteerde partye. (75% waarvan 50% onafhanklik moet wees)
3. Bestuur bly in hul posisie as die magte terug gedelegeer word aan hulle deur die SRP.
4. Geen krediteur kan aansoek doen om die likwidasie van die maatskappy nie. (Daar is uitsonderings)
5. 'n Moratorium word geskep waartydens geen regstappe, insluitend afdwingingsaksies, teen die maatskappy begin of voortgesit mag word of ten opsigte van eiendom wat wettiglik in sy besit is nie. Hier is wel sekere uitsonderings waar die SRP sy skriftelike toestemming gee of die Hof dit toelaat.
6. Die maatskappy mag slegs handel met sy bates indien:
   • Dit in die gewone loop van besigheid is;
   • Bona fide (eerlike) transaksie vir waarde waar die SRP sy skriftelike toestemming gegee het;
   • Beoog word as deel van die implementering van ʼn goedgekeurde ondernemingreddingsplan.
7. As die eiendom van die maatskappy in besit is van 'n derde party as gevolg van 'n kontrak wat aangegaan is voordat die redding in werking getree het, mag die derde party die eiendom behou of die BPR kan die ooreenkoms opskort of kanselleer waarna die eiendom terug besorg moet word aan die besigheid.
8. Die werknemer se dienskontrak, verpligtinge en regte kragtens die Wet op Arbeidsverhoudinge word nie beïnvloed nie.
9. Enige gelde wat daaraan verbonde is (selfs voordat die redding in werking getree het) word as na – aanvangsfinansiering beskou. (NAF)
10. Die SRP is 'n beampte van die hof en het die verantwoordelikhede, regte en verpligtinge van 'n direkteur.

1. Direkteure moet:
   • Hul pligte uitoefen onderhewig aan die gesag van die SRP;
   • Let op die SRP se versoeke;
   • SRP voorsien van die nodige finansiële inligting.
2. Handelinge deur direkteure waar die SRP se toestemming benodig word en nie verkry is nie, is nietig.
3. Direkteure kan uit hul amp verwyder word deur 'n aansoek by die hof deur die SRP.
4. ʼn Direkteur kan verwyder word indien hy/sy:
   • Versuim om sy pligte ingevolge die Maatskappywet na te kom;
   • Versuim om enige persoonlike finansiële belange van die direkteur of enige persoon verwant aan die direkteur met die besigheid te openbaar;
   • Oortreding begaan van onder andere in terme van artikel 75 en 77 van die Maatskappywet.

1. Aandeelhouers
2. Krediteure (sluit kliente deposito's in)
3. Werknemers
4. Relevante vakbonde

Oordrag van aandele en verandering van klasse aandele is verbode, behalwe:

• As oordrag van aandele plaasvind in die gewone loop van besigheid;
• As dit gedoen word ingevolge 'n hofbevel;
• As dit deel vorm van die sakeredding plan.

As die direksie van 'n maatskappy redelike gronde het om te glo dat die maatskappy in finansiële nood is, moet hulle volgens artikel 129(7):

• Die besigheid in sakeredding plaas; of
• ʼn Skriftelike kennisgewing lewer aan alle aandeelhouers, krediteure, werknemers en vakbonde, dat die maatskappy in finansiële nood is en redes gee waarom die maatskappy nie in sakeredding geplaas moet word nie.

1. Die aangestelde SRP is 'n beampte van die hof.
2. Die SRP neem die volle beheer van die besigheid oor, magte mag terug gedelegeer word.
3. Hy mag enige persoon uit sy pos verwyder en 'n ander persoon in sy plek aanstel.
4. Die direkteure moet so gou as moontlik alle boeke, rekords en toepaslike inligting aan die SRP oorhandig.
5. Binne 5 dae na die aanvang van die reddingsverrigtinge, moet die direkteure ʼn vermoënstaat gee wat ten minste die volgende besonderhede openbaar:
   • Wesenlike transaksies binne 12 maande voordat die redding begin het.
   • Enige hof-, arbitrasie- of administratiewe verrigtinge waarby die maatskappy betrokke is/was.
   • Bates en laste gedurende van die afgelope 12 maande.
   • Inkomste en uitgawes van die afgelope 12 maande.
   • Die aantal werknemers.
   • Kollektiewe of ander ooreenkomste met betrekking tot die regte van die werknemers.
   • Debiteure en hul verpligtinge teenoor die maatskappy.
6. Die SRP moet die sake-, besigheid-, eiendoms- en finansiële situasie van die besigheid ondersoek en vasstel of daar 'n redelike vooruitsig is om die besigheid te red.
7. As daar nie 'n redelike vooruitsig is om die besigheid te red nie, moet die nodige partye in kennis gestel word daarvan waarna die besigheid gelikwideer moet word in die hof.
8. Die SRP moet binne tien dae na sy aanstelling 'n vergadering van skuldeisers hou en 'n vergadering met die verteenwoordiger van die werknemers. Hy moet hulle inlig as daar 'n redelike kans is om die onderneming te red. Hulle moet in kennis gestel word dat elkeen van hierdie groepe 'n komitee mag vorm om hulle te verteenwoordig. Eise teen die besigheid word ook ingedien.
9. Kennisgewing van hierdie (eerste) vergadering moet aan alle geaffekteerde persone, insluitend krediteure en vakbonde gegee, word te minste 5 dae voor die vergadering gehou word. Die kennisgewing moet duidelik die tyd, datum, plek en agenda bevat.
10. Die SRP moet met die bestuur van die onderneming konsulteer en 'n sakereddingsplan opstel soos beoog in die Wet.
11. Die plan om die besigheid te red moet binne 25 sakedae nadat die SRP aangestel is, gepubliseer word. Hierdie tydperk kan langer wees indien die meerderheid van die geaffekteerde persone stem daarvoor of as die hof dit beveel.
12. Binne tien sakedae na die publikasie van die Plan moet die SRP krediteure en ander houers van stembelang inlig van die vergadering om die plan te oorweeg en te stem daarvoor of nie. Kennisgewing van hierdie vergadering moet ten minste 5 sakedae vooraf uitgestuur word. Die kennisgewing moet uiteensit datum, tyd, plek en agenda, asook ʼn opsomming van die regte van die geaffekteerde persone om aan die sodoende vergadering deel te kan neem en te kan stem.
13. Die Reddingsplan word ingestel, oorweeg, daaroor gestem (met of sonder wysiging)
14. Sodra 75% van geaffekteerde persone teenwoordig is by die vergadering en die plan word aanvaar, is dit bindend vir die besigheid en alle geaffekteerde persone.
15. Sodra die maatskappy uit sy finansiële probleme is, moet hy die hof, die maatskappy en alle geaffekteerde persone, in kennis stel en die sakeredding tot ʼn einde bring.

1. Gedeelte A bevat die agtergrond van die besigheid, wat die volgende behels:
   • Volledige lys van bates.
   • Volledige lys krediteure, sowel as onder watter klas krediteure hulle val en of hulle eise ingedien het.
   • Die waarskynlike dividend wat krediteure sou kry as die maatskappy onmiddellik gelikwideer sou word.
   • ʼn Lys van aandeelhouding in die besigheid.
   • ʼn Afskrif van 'n skriftelike ooreenkoms waarin die vergoeding van die SRP uiteengesit word.
   • 'n Verklaring waarin verklaar word of die reddingsplan voorstelle bevat wat informeel deur 'n skuldeiser gemaak is of nie.
2. Gedeelte B bevat die voorstelle en moet die volgende insluit:
   • Besonderhede van enige moratorium.
   • Die mate waartoe die onderneming vrygestel moet word van die betaling van skuld.
   • Besonderhede van skuld wat in ekwiteit omgeskakel kan word.
   • Die toekomstige rol van die onderneming.
   • Hoe die bestaande ooreenkomste hanteer sal word.
   • Beskikbaarheid van eiendom om skuld te betaal.
   • Die volgorde waarin krediteure betaal word indien die plan goedgekeur word.
   • 'n Vergelyking tussen die likwidasie van die onderneming teenoor sakeredding. Die posisie van alle betrokkenes moet oorweeg word.
   • Die effek op die verskillende klasse sekuriteite.
3. Gedeelte C bevat aannames en voorwaardes van die sakeredding plan:
   • Die voorwaardes waaraan voldoen moet word voordat die sakeredding plan in werking kan tree en ten volle geïmplementeer kan word.
   • Die effek op die getal werknemers en hoe die diensvoorwaardes van werknemers beïnvloed sal word.
   • Die omstandighede waarin die sakereddingsplan beëindig word.
   • Geprojekteerde finansiële state vir die volgende drie jaar op die aanname dat die sakereddingsplan goedegekeur is. Die state moet ook ʼn balansstaat sowel as ʼn inkomste – en uitgawe staat bevat, sowel as materiële aannames en alternatiewe moet uiteengesit word.

1. Ingevolge artikel 143 van die Wet sal die Minister die tariewe en gelde van SRP in die Staatskoerant publiseer.
2. Die SRP kan 'n ooreenkoms voorstel wat verskil van die tariewe wat in die staatskoerant gepubliseer is en wat deur die meerderheid van die persone met 'n stembelang goedgekeur moet word.
3. 'n Krediteur of aandeelhouer wat teen die vergoeding van die SRP gestem het, kan binne tien sakedae na die vergadering die hof nader vir 'n bevel wat die ooreenkoms te syde stel. Die hof sal die ooreenkoms tersyde stel as hy daarvan oortuig is dat:
   • Die ooreenkoms nie regverdig en billik is nie; of,
   • Met inagneming van die finansiële omstandighede van die onderneming, buitensporig.

1. Hulle kan met die SRP konsulteer, maar hulle mag hom nie opdrag gee nie.
2. Hulle is geregtig om sakereddings verslae te ontvang.
3. Hulle moet onafhanklik van die SRP optree.

1. Die wet probeer krediteure, bankiers, werknemers en verskaffers motiveer om die maatskappy te ondersteun om aan te hou sake doen met die maatskappy terwyl dit onder redding is. Die partye wat 'n besigheidsverhouding met die onderneming het terwyl dit onder redding is, word voorkeur-eisers vir geld wat aan hulle verskuldig is na die aanvang van die redding vir gelde geleen of voorgeskied.
2. Die maatskappy word toegelaat om geld te leen terwyl dit onder redding is, mits sodanige lenings volgens voorkeur gerangskik word. Die leningsooreenkoms kan 'n voorwaarde bevat dat die maatskappy die lening verseker deur enige van sy bates wat onbeswaard is.
3. Selfs al is die maatskappy onder likwidasie nadat die sakeredding nie geslaag het nie, bly die voorkeur wat deur artikel 135(3) geskep word, maar sluit dit dan die koste van likwidasie in.

1. Wanneer die aansoek om redding voor die hof gebring word, vra die applikant in die aansoek die Hof om 'n gekwalifiseerde SRP aan te stel.
2. By die toestaan van die reddingsbevel kan die hof 'n bevel gee wat 'n tweede SRP (addisionele SRP) aanstel. Hierdie addisionele SRP – aanstelling moet bekragtig word deur die meerderheid "onafhanklike krediteure" (bereken in terme van stemreg).
3. Waar ʼn resolusie geneem word deur die direkteure van ʼn besigheid, nomineer hulle ʼn SRP om aangestel te word.

Slegs die Hof kan op aansoek van 'n geaffekteerde persoon die SRP verwyder.

Onafhanklike krediteure en werknemers:

• Onafhanklike krediteure – 'n skuldeiser word gesien as afhanklik indien daar ʼn verwantskap met die SRP of met 'n direkteur van die maatskappy is of die maatskappy self word geag nie 'n "Stembelang" te hê nie.
• Werknemers – as dit moeilik is om 'n waarde op die stem van byvoorbeeld die werknemers te plaas, moet die waarde deur 'n waardering bepaal word.

• Die onderneming in finansiële nood verkeer;
• Daar is redelike vooruitsigte om die onderneming te red;
• As die hof dit as "regverdig en billik" ag, word die bevel toegestaan.

1. Tydens die reddingsverrigtinge word ʼn moratorium geskep waartydens geen regstappe, insluitend afdwingingsaksies, teen die maatskappy begin of voortgesit mag word of ten opsigte van eiendom wat wettiglik in sy besit is nie. Daar is enkele uitsonderings.
2. Regstappe kan in die volgende gevalle voortduur of begin:
   • As skriftelike toestemming deur die SRP gegee word;
   • Wanneer die hof dit so gelas het;
   • As verrekening teen enige eis wat deur die maatskappy in enige regsgeding ingestel word, ongeag of die verrigtinge 'n begin het voor of nadat die ondernemingreddingsverrigtinge begin het;
   • Verrigtinge oor enige eiendom of reg wat die maatskappy as trustee besit; of
   • Strafverrigtinge teen die maatskappy, sy direkteure of beamptes word nie beïnvloed nie.

1. Ja – ongeag of daar aansoek gedoen is deur of teen die maatskappy.
2. Die aansoek kan slegs gedoen word deur ʼn hofaansoek en nie deur ʼn resolusie te neem nie.
3. Die aansoek om sakeredding staak die likwidasie-aansoek op totdat die hof 'n uitspraak gegee het.
4. As die reddingsbevel toegestaan word, kan die likwidasie-aansoek nie voortgaan nie. As die bevel nie toegestaan word nie, gaan die likwidasie-aansoek voort.

1. Daar geen redelike gronde is om te glo dat die onderneming in ʼn finansiële verknorsing is nie;
2. Daar geen redelike vooruitsigte is om die onderneming te red nie; of
3. Daar nie aan prosedurele vereistes voldoen is nie.

Wanneer die aansoeker bewys dat die SRP:

1. Gebrek het aan die nodige vaardighede;
2. Nie onafhanklik is van die maatskappy nie;
3. Nie aan die vereistes voldoen nie.